Non fan falla grandes recursos...

... para traballar moitísimas cousas!!!

 Lonxitudes e cantidades...

 Seriacións...

 Formas...

 O traballo en equipo...

 Letras...

Nesta semana...

Esta semana estrenamos nova organización da aula, agora traballamos e merendamos todos xuntos...

(fotos do luns 14 de novembro)

Experimentamos con confeti ¿Que lle pasará se lle sopramos?

Houbo algunha que outra rifa-mordisco, curación e perdón...

E chegaron moitas cousas á aula!!

 Anxo trouxo 3 pequenos tomates que Ariel nos dixo que se chamaban tomates cherry. Logo de lavalos, todos probamos un trociño...mmmmm....

 Paula fixo coa profe Fátima (do Plan Madruga) un crocodilo con cartón e unha caixa de ovos ¡¡chulísimo!!

E a mami de Ana, Elda, nos mandou unha caixa con galletas e unha nota chea de letras!!! A nota foi pasando de man en man e recoñecimos moitas das nosas letras! Despois de lela, Ana nos explicou que como o luns tivo que ir correndo para o autobús e non trouxo a mochi coa merenda, a nai lle manda esta caixiña por se a ela ou a outro neno calqueira lle pasa ¡¡MOITAS GRAZAS!!

Por certo, non nos esquecimos das fotos do magosto eh!! Dentro de moi pouquiño poderedes ver as fotos no blogue do cole (se pinchades na imaxe accederedes ao blogue)

O OURIZO DA CASTAÑA

Moitas das cousas que aprendemos no cole non quedan reflexadas nunha ficha; moito do que falamos, moito do que experimentamos, moito do que contamos,... Por iso, na aula intentamos sempre ter á man a cámara de fotos/vídeo, para poder rexistrar as pequenas cousas do día a día que, verdadeiramente, son as que nos enriquecen (ademais de, eles mesmos, darse conta do que aprenden, dos seus comportamentos,...)

Onte apareceu na clase, na mesa do outono, unhas boliñas de pinchos. Ariel díxonos que eran "erizos de las castañas"

Ademais, hoxe coa excusa de engordar unhas castañas xigantes para decorar o pasillo, estivemos vendo que cousas temos na cara; e resulta que temos ollos para ver, bocas para soplar (Ana), para comer (Erik) e para falar (Sofía) e unha nariz para facer mocos (Erik) e respirar (Sofi).

As nosas super-castañas estaban moi delgadiñas porque non comían nada de merenda e decidimos engordalas dándolles de comer boliñas de papel...

Isto todo o fixemos na mesa de xuntanzas e como parece que nos gustou bastante isto de estar todos xuntos ¡¡Mañá estreamos nova organización da aula!! (e xa levamos 4 cambios...)